Sahitya / ಕವನ / Kavana - ಮಕ್ಕಳ ಕವನ ಸರಣಿ - ರೈತ

  ರೈತ

ಅಪ್ಪನಂತೆ  ನಾನೂ

ಒಬ್ಬ ರೈತನಾಗುವೆ

ಉತ್ತಿಬೆಳೆದು ಜನರಿಗೆ

ಅನ್ನ ನೀಡುವೆ ||

ಗೋಧಿ ಜೋಳ ರಾಗಿ

ನಾನು ಬೆಳೆಯುವೆ

ಫಸಲು ಬಂದ ಮೇಲೆ

ನಾನು ರಾಶಿ ಮಾಡುವೆ ||

ತರಕಾರಿ ಹಣ್ಣು ಕಾಳನ್ನು

ಸುತ್ತಲೂ ಬೆಳೆಸುವೆ

ಎರೆಹುಳು ಗೊಬ್ಬರಹಾಕಿ

ಫಲವತ್ತಾದ ಬೆಳೆ ಬೆಳೆಯುವೆ ||

ಮಲ್ಲಿಗೆ ಸಂಪಿಗೆ ಹೂವನ್ನು

ಹೊಲದಲಿ ಬೆಳೆಯುವೆ

ಸುಂದರವಾದ ಹೂವನ್ನು

ಅಮ್ಮನ ಕೈಯಲಿ ನೀಡುವೆ ||

ಆಡು ಮೇಕೆ ಹಸುಗಳನ್ನು

ನಾನು ಸಾಕುವೆ 

ಹಾಲು ಮೊಸರು ಬೆಣ್ಣೆಯನ್ನು

ಖಷಿಯಲಿ ತಿನ್ನುವೆ  ||

ರಾಮ ಶ್ಯಾಮ ರಾಜುಗೆಲ್ಲಾ

ವ್ಯವಸಾಯವ ಕಲಿಸುವೆ

ರೈತನೆ ದೇಶದ ಬೆನ್ನೆಲುಬೆಂದು

ಜಗಕೆ ಸಾರುವೆ

ಈ ಜಗಕೆ ಸಾರುವೆ...||

=> ವೆಂಕಟೇಶ ಚಾಗಿ

ಚಿತ್ರ ಕೃಪೆ : pixabay.com