**ಕೆಟ್ಟು ಹೋಗಿದೆ ರಸ್ತೆ**
ಕೆಟ್ಟು ಹೋಗಿದೆ ರಸ್ತೆ
ತಗ್ಗು ಗಳಿಂದ
ಕೊರೆತಗಳಿಂದ
ಡಾಂಬಾರು ಮಾಯವಾಗಿ
ಕಲ್ಲುಗಳೆಲ್ಲ ಕಿತ್ತು
ಬದಿಯೆಲ್ಲಾ ಕೊರಕಿನಿಂದ
ಕೆಟ್ಟು ಹೋಗಿದೆ ರಸ್ತೆ
ಬಹುದಿನಗಳಿಂದ..||
ಎಲ್ಲಿಂದಲೋ ತಂದ
ಬೆಂಚು ಕಲ್ಲುಗಳ ಹರಡಿ
ಕೆಂಪು ಮಣ್ಣಿನ
ಹೊದಿಕೆ ಹಾಸಿ
ಆಗಾಗ ಹಸಿಯಾಗಿಸಿ
ಡಾಂಬಾರು ಬಳಿದು
ಚಂದವಾಗಿಸಿದ್ದ ರಸ್ತೆ
ಗಟ್ಟಿತನವಿಲ್ಲದೆ
ಕೆಟ್ಟು ಹೋಗಿದೆ ಮತ್ತೆ
ಬಹುದಿನಗಳಿಂದ..||
ಬಿಸಿಲ ಬೇಗೆ ತಾಳದೆ
ಕಲ್ಲುಗಳು ಹೊರಬಂದು
ಮೊದಲ ಮಳೆಗೆ ಮಣಿದು
ಡಾಂಬಾರು ಅಳಿದು
ಬಿರುಗಾಳಿಯ ಬಿರುಸಿಗೆ
ಮಣ್ಣೆಲ್ಲ ಹುಡಿಯಾಗಿ
ಹರಿವ ಝರಿಯ
ಕೊರೆತಕೆ ಸಿಲುಕಿ
ಕೆಟ್ಟುಹೋಗಿದೆ ರಸ್ತೆ
ಬಹುದಿನಗಳಿಂದ..||
ಎಷ್ಟು ಸುರಿದರೂ ಅಷ್ಟೇ
ಅನುದಾನ
ಬಹು ಲೋಬಿ ಈ ರಸ್ತೆ
ಅದಕೆ ಮಾಡಬೇಕು
ಆಗಾಗ ಸಮಾದಾನ
ಪ್ರತಿ ವರುಷ ಕೆಡಬೇಕಿದೆ
ಕಾಂಟ್ರಾಕ್ಟ್ ಮಹಾಶಯರಿಗೆ
ಮತ್ತೆ ಮತ್ತೆ ಸರಿಪಡಿಸಲು
ಕೆಟ್ಟುಹೋಗಿದೆ ರಸ್ತೆ
ಬಹುದಿನಗಳಿಂದ..||
✍ ವೆಂಕಟೇಶ ಚಾಗಿ
ಲಿಂಗಸುಗೂರ
No comments:
Post a Comment