ಮಕ್ಕಳ ಕವನ | ನಮ್ಮೂರ ಜಾತ್ರೆ | ವೆಂಕಟೇಶ ಚಾಗಿ | makkala kavana | nammoora jatre | venkatesh chagi

 

**ನಮ್ಮೂರ ಜಾತ್ರೆ***

ಬಂತು ಬಂತು ನಮ್ಮೂರ  ಜಾತ್ರೆ

ಹೇಳಿಬಿಡುವೆ  ಜಾತ್ರೆಯ ವಾರ್ತೆ

ಬನ್ನಿರಿ ನೀವು ಮರೆಯದೆ ಊರಿಗೆ

ನಮಿಸಲು ನಮ್ಮ ದೇವರ ತೇರಿಗೆ ||

ಬಣ್ಣ ಬಣ್ಣದ ಬಳೆಗಳ ನೋಟ

ಗಿಲ್ ಗಲ್ ಗೆಜ್ಜೆಯ ಬಂಡಿ ಓಟ

ರೈಲಲಿ ಕುಳಿತು ಸುತ್ತೋಣ

ಜೋಕಾಲಿ ಜೀಕುತ ನಲಿಯೋಣ ||

ಹಣ್ಣು ಕಾಯಿ ದೇವರ ಮಡಿಲಿಗೆ

ಬೆಂಡು ಬೆತ್ತಾಸು ನಮ್ಮ ಬಾಯಿಗೆ

ಅಣ್ಣ ತಮ್ಮ ಅಕ್ಕ ತಂಗಿ

ಸೇರಿ ನಲಿಯುವ ಕಷ್ಟವ ನುಂಗಿ ||

ಬಜ್ಜಿ ಬೋಂಡಾ ಬದನೆಕಾಯಿ

ಕಂಡಿದ್ದೇಲ್ಲಾ ಬೇಡೀತು ಬಾಯಿ

ಮಾತು ಕಥೆಗಳ ಸಮಯದಲಿ

ಕೈಯಲಿ ಇರಲಿ ಕಡಲೆಕಾಯಿ..||

ಜಾತ್ರೆಗೆ ಬಂದ ಜನರೆಲ್ಲಾ

ತೇರನು ಎಳೆದು ನಮಿಸುವರೆಲ್ಲಾ

ಬಣ್ಣದ ಬಲೂನು ಪೀಪಿಯ ಶಬ್ದ

ಜಾತ್ರೆಯ ಖುಷಿಗೆ ನೋವೆ ಸ್ಥಬ್ದ ..||

.

=> ವೆಂಕಟೇಶ ಚಾಗಿ